Vil Nouyòk, NY USA 9 septanm 2022. Majistra Vil Nouyòk Eric Adams vizite Konsila Jeneral Britanik la pou l siyen liv kondoleyans pou Monwa Rèn Elizabèt II a. (Shutterstock)

NEW YORK – Majistra Vil Nouyòk la, Eric Adams jodi a te pibliye deklarasyon sa a apre lanmò trajik yon moun k ap chèche azil nan yon abri yè:

“Dè milye moun k ap chèche azil nou te wè ki rive nan vil nou an te vin nan peyi sa a pou chèche yon lavi miyò. Malerezman, yè, yon moun k ap chèche azil nan youn nan etablisman nou yo te pran lavi l. Kè nou kraze pou jènfi sa a ak nenpòt moun li renmen yo, e nou menm, antanke vil, nou kriye pou li. Trajedi sa a se yon rapèl ke nou gen yon obligasyon pou fè tout sa nou kapab pou ede moun ki nan bezwen.

“Pami lòt sèvis ki disponib nan Sant Navigasyon Resous Moun k ap Chèche Azil la genyen swen sante mantal. Mwen ankouraje tout moun k ap chèche azil ki bezwen sipò sante mantal pou yo sèvi ak sèvis sa yo, ak nenpòt moun ki nan vil nou an ki gen difikilte ak enkyetid, depresyon, oswa pwoblèm sante mantal nenpòt kalite pou yo rele 888-NYC-WELL. Nou la pou ou."

Dapre lalwa, vil la entèdi pou pataje plis enfòmasyon nan moman sa a.

  azil politik, ajan k ap chèche, Eric Adams, Majistra Eric Adams, NYC